100-vjetori i Bankës së Shqipërisë, Guvernatori Sejko: Kemi arritur një shkallë të lartë konvergjence me normat e BE

Nga OraNews Përditësimi i fundit 11 Nëntor 2025, 10:19

 

Guvernatori i Bankës së Shqipërisë, Gent Sejko ka qenë i pranishëm në aktivitetin e organizuar për 100-vjetorin e krijimit të këtij institucioni.

Në fjalën e mbajtur, Sejko deklaroi se Banka e Shqipërisë ka arritur një shkallë të lartë konvergjence me normat e BE.

Më tej, guvernatori tha se pavarësisht luhatjeve, ekonomia shqiptare ka pasur rritje të të ardhurave mesatare për frymë.

Sejko deklaroi se Banka e Shqipërisë duhet të vijojë punën për promovimin e stabilitetit financiar të vendit. Duke u ndalur dhe te politikat monetare, Sejko tha se gjatë 3 dekadave të fundit regjimi ka rezultuar i suksesshëm.

“Çdo jubile duhet të shërbejë dhe si moment vështrimi kritik mbi atë që kemi arritur dhe atë se çfarë kemi përpara. 

Vizioni për krijimin e një banke qendrore u artikulua në vitin1899 nga rilindasi Sami Frashëri. Këtë ide e përqafoi dhe e çoi përpara Ismail Qemali.

Fillimi i viteve ’90 shënoi tranzicionion e madh që solli ndryshime thelbësore për sistemin bankar. Në vitin 1992 Banka e Shqipërisë u formatua.

Banka e Shqipërisë ka arritur një shkallë të lartë konvergjence me normat e BE. Ka ndërtuar një proces efektiv dialogu. Në terma sasiorë një dëshmi e arritjeve është dhe procesi financiar.

Pavarësisht luhatjeve ekonomia shiqptare ka njohur një rritje të të ardhurave mesatare për frymë.

Banka e Shqipërisë duhet të vijojë të punojë për promovimin e stabilitetit finaciar të vendit.

Bankat qendrore duhet të kenë një kuadër të qartë të politikave për arrijtjen e objektivave.

Banka e Shqipërisë gjykon se kuadri i saj aktual afron një strategji optimale për ruajtjen e stabilizimit të çmimeve. Regjimi i inflacionit të shënjestruar ofron rrugën më të mirë për kontrollin e inflacionit.  Ky regjim i politikës monetare ka rezultuar i suksseshmë gjatë 3 dekadave të fundit.

Në drejtim të rregullimit të sektorit bankar, Banka e Shqipërisë do të vijojë të punojë për rrjetet e sigurisë në BE.

Sektori bankar do të mbetet shtylla kryesore e sistemit tonë financiar.

Shqipërisë i duhet të bazojë modelin e saj të zhvillimit te rritja e produktivitetit”, tha Sejko.