Peleshi konfirmohet kryetar/ Deputeti i PS, Malaj: Nuk ka patur asnjë shkelje nga kryetari i Kuvendit
Nga Katerina Hysenllari Përditësimi i fundit 30 Tetor 2025, 15:50
Deputeti i PS, Erion Malaj në një intervistë në Ora News u shpreh se nuk ka patur asnjë shkelje as të Kushtetutës dhe as të rregullores nga kryetari i Kuvendit, Peleshi.
Malaj: Atëherë unë mendoj që pati një qartësi tek ajo çfarë tha apo tek fjala që mbajti zoti Gjiknuri si përfaqësues i mazhorancës edhe në këshillin e legjislacionit ku unë jam njëkohësisht pjesë.
Ai shpjegoi me shumë përpikmëri se nuk ka patur asnjë shkelje, as të Kushtetutës as të rregullores nga kryetari i Kuvendit.
Madje analizoi ato pika të cilat pretendoheshin nga opozita si shkelje.
Fillimisht opozita pretendonte se ndryshimi i rregullores nuk duhej të ndodhte.
Por unë ju rikujtoj që ata e dinë shumë mirë që rregullorja e Kuvendit nuk është ligj.
Por rregullorja e Kuvendit pikërisht ndryshohet nga Kuvendi që është në vetvete një institucion Sovran.
Pra ne jemi këtu për të bërë edhe rregullat tona dhe rregullat e Kuvendit janë këto.
Dhe rregullat e Kuvendit në ndryshim nga ligjet nuk shkaktojnë pasoja në qytetarë të tretë.
