Tre viktima nga sulmet ruse, Moska vazhdon goditjet ndaj rrjetit elektrik të Ukrainës
Nga OraNews Përditësimi i fundit 30 Tetor 2025, 14:56
Rusia ka lëshuar më shumë se 650 dronë dhe më shumë se 50 raketa të llojeve të ndryshme në sulmet e saj të fundit, ka deklaruar presidenti i Ukrainës, Volodymyr Zelenskyy.
Sulmet masive me dronë dhe raketa kanë shkaktuar të paktën tre persona, përfshirë një vajzë të mitur 7-vjeçare.
Zelenskyy i ka dënuar sulmet e Moskës kundër infrastrukturës energjitike.
Ndërkaq kryeministrja e Ukrainës, Yulia Svyrydenko e ka përshkruar shënjestrimin e rrjetit energjitik si “terror sistematik energjitik”.
Raportohet se nga sulmet 17 persona janë plagosur në rajonin jugor të Zaporizhzhias, ndër ta dhe një 16 vjeçare.
Ekipet e shpëtimit kanë arritur të nxjerrin nga rrënojat e një ndërtese një burrë, i cili fatkeqësisht nuk arriti t’i mbijetojë plagëve të marra. Një person i dytë u vra gjithashtu në të njëjtin rajon.
Muaj të tërë sulmesh kanë synuar të ulin moralin e ukrainasve, si dhe të ndërpresin prodhimin e armëve dhe aktivitete të tjera të lidhura me luftën, pothuajse katër vjet pas pushtimit në shkallë të plotë të fqinjit të saj nga Rusia.
