Real Madrid–Juventus, formacionet zyrtare: Vlahovic udhëheq sulmin bardhezi, Valverde mbrojtës
Nga OraNews Përditësimi i fundit 22 Tetor 2025, 20:12
Më poshtë janë formacionet zyrtare të ndeshjes Real Madrid–Juventus, e vlefshme për raundin e tretë të fazës së ligës në Ligën e Kampionëve:
Te madrilenët, situata është emergjente në mbrojtje: Valverde luan si mbrojtës i djathtë, ndërsa Asensio vendoset në qendër të mbrojtjes.
Xabi Alonso ka zgjedhur Brahim Diazin në vend të Mastantuonos për ta shoqëruar Mbappé-në dhe Viniciusin në repartin ofensiv.
Trajneri i Juventusit, Igor Tudor, rikthen skemën me mbrojtje me tre pas dështimit në Como.
Kalulu luan më lart në të djathtë, ndërsa McKennie fiton një fanellë titullari.
Locatelli dhe Conceiçao, që ishin në fushë në “Sinigaglia”, këtë herë nisin nga stoli.
Në sulm, hapësira i besohet Dusan Vlahovic.
