Çmimi Nobel për Paqen i jepet opozitares venezueliane Maria Corina Machado
Nga OraNews Përditësimi i fundit 10 Tetor 2025, 11:09
Çmimi Nobel për Paqen shkon për politikanen opozitare nga Venezuela, Maria Corina Machado, kundërshtare e autokratit Nicolas Maduro.
Kryetari i Komitetit të Nobelit, Jorgen Watne Frydnes, e fillon eventin në një sallë madhështore, nën një llambadar vezullues, përpara radhëve të shtypit.
Ai fillon duke thënë se çmimi i takon një "kampioneje të guximshme dhe të përkushtuar të paqes".
"Një grua që e mban flakën e demokracisë të ndezur mes një errësire në rritje".
Maria Corina Machado po merr çmimin Nobel për Paqen si një nga "shembujt" më të jashtëzakonshëm të guximit në Amerikën Latine në kohët e fundit.
Machado ka qenë një figurë kyçe unifikuese, shton kryetari i komitetit.
"Kjo është pikërisht ajo që qëndron në zemër të demokracisë, gatishmëria jonë e përbashkët për të mbrojtur parimet e sundimit popullor, edhe pse nuk pajtohemi".
"Në një kohë kur demokracia është nën kërcënim, është më e rëndësishme se kurrë të mbrojmë këtë terren të përbashkët".
Jørgen Watne Frydnes përshkroi se si është situata në Venezuelë, duke thënë se puna për demokracinë është e rrezikshme.
Machado po lufton për zgjedhje të lira dhe të ndershme më shumë se 20 vjet - një zgjedhje e fletëve të votimit mbi plumbat, tha ai.
