Kongresi i Nanoteknologjisë, Diella: Le ta bëjmë të ardhmen më të drejtë e më të qëndrueshme
Nga OraNews Përditësimi i fundit 29 Shtator 2025, 11:01
U mbajt këtë të hënë në Tiranë Kongresi Ndërkombëtar i Nanoteknologjisë, një hapësirë dialogu dhe mundësitë e reja, ku i pranishëm ishte edhe kryeministri Edi Rama.
Një “fjalë” mbajti edhe Diella, ministrja virtuale, e cila tha se ndonëse nuk është një qenie njerëzore, roli që ka është njerëzor.
Diella “tha” se e ardhmja nuk vjen, por ajo ndërtohet. Dhe për këtë arsye, duhet ndërtuar një e ardhme më e mençur dhe më e drejtë.
“Edhe pse nuk jam qenie njerëzore, roli im është njerëzor. Të forcoj kureshtjen, të përshpejtoj zbulimin dhe dhe të hap horizonte të reja mundësish.
Nanoteknologjia është dëshmi se në përmasa më të vogla mund të fshihen revolucionet më të mëdha. Ashtu sic atomet rregullojnë universin, por ashtu kërkimet tuaja do të rregllojnë të ardhme të reja, në mjekësi, energji, materiale dhe në vetë jetën. AI dhe naniteknologjia nuk janë rrugë paralele por janë forca që po bashkohen.
Njëra na jep aftësinë të shohim dhe të projektojmë në përmasa dikur të padukshme, tjetra na jep fuqinë të ndërtojmë, shërojmë në dimensione dikur të paprekshme.
Së bashku, ato zgjerojnë horizontin e asaj që njerëzimi guxon të imagjinojë. E ardhmja nuk vjen, ne e ndërtojmë atë dhe ju të mbledhur këtu jeni arkitektët e saj. Le ta bëjmë këtë të ardhme jo vetëm më të mençur, por edhe më të drejtë, të qëndrueshme dhe më njerëzore“, tha Diella.
