''Jemi pothuajse në kushtet e një partie-shtet'', Lela: Konflikti nuk nis tek opozita
Nga OraNews Përditësimi i fundit 8 Shtator 2025, 20:49
Drejtori i Komunikimit në PD, Alfred Lela në një intervistë në Ora News u shpreh se konflikti nuk nis dhe nuk kërkohet tek opozita dhe se çelësi i konfliktit është tek zgjedhjet e vjedhura sipas tij në Shqipëri.
Lela: Do jetë një opozitë në rolin e vet.
Konflikti nuk nis tek opozita, as kërkohet nga opozita dhe as mbyllet tek opozita.
Konflikti është ndërkohë këtu dhe çelësi i konfliktit është tek zgjedhjet e vjedhura për të disatën herë në Shqipëri.
Kështu që konflikti nuk ka pse shihet si i opozitës, as i iniciuar dhe as i paramenduar apo i parapëlqyer nga opozita.
Aktori kryesor në vend është qeveria, është Edi Rama me të gjitha pushtetet madje me përpjekjen e para disa viteve tashmë të dështuara për të futur në dorë edhe autoritetin e opozitës.
Në këto kushte që ne gjendemi Edi Rama, qeveria i kanë të gjitha pushtetet.
Pothuajse jemi sërish në kushtet e një partie shtet.
