Gjermania hedh poshtë planin e Ursula von der Leyen për dërgimin e trupave në Ukrainë: Nuk ka mandat për të diskutuar çështjen!
Nga OraNews Përditësimi i fundit 1 Shtator 2025, 17:48
Ministri i Mbrojtjes i Gjermanisë ka hedhur poshtë vërejtjet e shefes së BE-së, Ursula von der Leyen, mbi planet për të dërguar trupa evropiane në Ukrainë, duke thënë se asaj i mungonte mandati për të diskutuar çështjen.
Von der Leyen tha dje se Evropa po harton “plane mjaft të sakta” për një vendosje trupash shumëkombëshe në Ukrainë, si pjesë e garancive të sigurisë pas luftës.
“Këto janë gjëra që nuk i diskuton përpara se të ulesh në tryezën e negociatave me shumë palë që kanë të drejtë të flasin për këtë çështje”, u tha Boris Pistorius gazetarëve sot.
“Do të dija më mirë të mos komentoja ose konfirmoja konsiderata të tilla në asnjë mënyrë, përveç faktit se Bashkimi Evropian nuk ka asnjë mandat apo kompetencë kur bëhet fjalë për pozicionimin e trupave.”
