SCO paralajmëron kundër çdo riinterpretimi të rezolutave të OKB-së për çështjen bërthamore iraniane
Nga OraNews Përditësimi i fundit 1 Shtator 2025, 17:17
Organizata e Bashkëpunimit të Shangait (SCO), e përbërë nga 10 shtete, përfshirë Kinën, Rusinë dhe Iranin, paralajmëroi sot kundër çdo riinterpretimi të një rezolute të OKB-së mbi programin bërthamor iranian, ndërsa evropianët përgatiten të rivendosin sanksionet kundër Teheranit.
Shtetet anëtare të SCO-së thanë në një deklaratë të përbashkët, të botuar nga agjencia zyrtare kineze e lajmeve, Hsinhua, se “çdo përpjekje për keqinterpretim ose riinterpretim arbitrar të kësaj rezolute do të minonte autoritetin e Këshillit të Sigurimit të OKB-së”.
Franca, Britania e Madhe dhe Gjermania i kanë dhënë Iranit 30 ditë për të gjetur një zgjidhje diplomatike për çështjen bërthamore iraniane, në rast se nuk do të rivendosin sanksionet e OKB-së, sipas asaj që ata e quajnë një klauzolë në një marrëveshje ndërkombëtare të arritur në vitin 2015.
