UEFA Conference League – Egnatia, Vllaznia e Dinamo City luajnë nesër ndeshjet e para në raundin e dytë
Nga OraNews Përditësimi i fundit 23 Korrik 2025, 20:31
UEFA Conference League zhvillon këtë të enjte ndeshjet e para të vlefshme për raundin e dytë, ku marrin pjesë edhe Egnatia, Vllaznia dhe Dinamo City.
Blutë e Dinamos do të përballen në transfertë me Atletic Escaldes. Ndeshja do të luhet në stadiumin “Estadi FAF”, në orën 16:00.
Kuqeblutë e Vllaznisë do të luajnë në stadiumin “Loro Boriçi” ndaj Víkingur Reykjavik në orën 20:30. Pasi kaluan me sukses turin e parë, tani shkodranët do të kërkojnë suksesin e radhës dhe në shtëpi do të kenë mbështetjen e madhe të tifozëve.
Egnatia do të luajë në transfertë ndaj Dinamo Minsk. Ndeshja do të zhvillohet në stadiumin “Municipal Stadium Mezőkövesd”, në orën 20:45.
