Çalhanoglu 'bën paqe' me Interin, kthimi i tij në Turqi duhet të presë…

Nga OraNews Përditësimi i fundit 16 Korrik 2025, 20:26

ITALI - Hakan Calhanoglu e sheh veten, edhe një herë, si një lojtar i Interit. Dhe e vërteta është se do të mbetet kështu, të paktën për momentin.

Mesfushori turk, pas javësh pasigurie, tensionesh të brendshme dhe thashethemeve për një transferim të mundshëm te Galatasaray, do të kthehet nën urdhrat e Cristian Chivut në ditët në vijim, disa ditë para pjesës tjetër të lojtarëve të rëndësishëm në dhomën e zhveshjes.

Kthimi i Çalhanoglu shënon shenjën e parë të afrimit pas një vere të nxehtë në Appiano Gentile. Plaga e hapur me Lautaro Martínez pas dështimit në Kupën e Botës për Klube dukej e thellë.

Argjentinasi fajësoi në mënyrë indirekte turkun për mungesën e angazhimit të tij dhe presidenti Marotta nuk hezitoi të konfirmonte se fjalët e tij i drejtoheshin atij.

Megjithatë, Hakan zgjodhi të mbrohej me një letër publike që tronditi tifozët e Interit: "Nuk e kam tradhtuar kurrë këtë fanelë", komentoi ai. Sot, veprimet e tij konfirmojnë se ai nuk ka ndërmend ta bëjë as këtë.

Nga Italia, na sigurojnë se diplomacia e klubit ka funksionuar. Dallimet me Lautaron nuk janë më shqetësim në dhomat e zhveshjes, dhe Marotta gjithashtu e zbuti tonin e tij: "Çalhanoglu është lojtari ynë në çdo kuptim".

Interi është i qartë: përveç një oferte të pakundërshtueshme (minimumi 30 milionë), lojtari turk do të vazhdojë të veshë fanellën e zikaltërve.

Galatasaray shikon nga ana tjetër…

Ndërkohë, Stambolli mbetet pezull. Edhe pse zv.presidenti i Galatasarayt, Abdullah Kavukcuha, u takua me Piero Ausilio në një hotel në Milano, por takimi mbeti vetëm një qasje e thjeshtë. Nuk ka ardhur asnjë ofertë zyrtare nga Turqia. 

Marrëveshja nuk ishte kurrë një përparësi sportive për Galatasarayn. Përtej asaj që ai mund të kontribuonte në fushë, rikthimi i Çalhanoglu ishte një çështje krenarie kombëtare: fakti që kapiteni i Turqisë mbante veshur fanelën e klubit më ikonik të vendit kishte një komponent të fortë simbolik.

Por tani, me Osimhenin një obsesion të madh të tregut dhe largimet e Moratës dhe Ziyech ende të pazgjidhura, rikthimi i djalit plangprishës ka humbur vrullin .

Me këtë skenar, 'rasti C'alha' duket se është mbyllur, të paktën deri në njoftim të mëtejshëm. Vetë lojtari, pasi kapërceu shqetësimin e soleusit, tani po stërvitet intensivisht dhe pritet t'i bashkohet ndeshjeve parasezonale të zikaltërve këtë javë.