PL: Kombinati, një nga zonat më të prekura nga tërmeti tragjik i 2019-s, është ende në gjendje emergjente

Nga OraNews Përditësimi i fundit 12 Korrik 2025, 10:52

Deklarata e anëtarit të Këshillit Bashkiak në Bashkinë e Tiranës,  Dr. Artan Distafa

Sot janë bërë më shumë se 5 vite nga tërmeti tragjik i 26 Nëntorit 2019, dhe Kombinati, një nga zonat më të prekura, është ende në gjendje emergjente.

Por jo për shkak të natyrës, për shkak të mashtrimit të planifikuar nga qeveria dhe Bashkia e Tiranës.

Qindra familje janë ende pa strehë, të përjashtuar, të braktisur dhe të harruar përballë dramës së tyre.

Pyetja që kemi ne dhe banorët është se kujt i janë dhënë banesat e ndërtuara në Kombinat?

Kush i përfitoi? Me çfarë kriteresh?

Pse nuk ka një listë publike? Çfarë fshihet pas këtyre apartamenteve “të reja”?

Pyetje që askush nuk ju jep një përgjigje.

Po çfarë premtoi Edi Rama në atë kohë?

1. “Asnjë qytetar nuk do të mbetet pa strehë.”

2. “Shtëpitë do të ndërtohen aty ku ishin, për ata që i kishin.”

3. “Procesi i rindërtimit do të jetë transparent, i shpejtë dhe pa korrupsion.”

4. “Në 2021 çdo familje do të ketë çelësin e shtëpisë së re.”

Sot jemi në vitin 2025 dhe realiteti është ndryshe.

Kemi qytetarë të pastrehë.

Shtëpitë nuk u kthyen te pronarët.

Procesi është i errët, i vonuar, dhe klientelist.

Transparenca zero.

Ky është mashtrim publik, i qëllimshëm.

Qeveria nuk ka rindërtuar me drejtësi. Ka ndërtuar me qëllim përjashtimin.

Bashkia nuk ka ndarë banesa sipas nevojës. I ka dhënë sipas bindjes dhe lidhjeve politike.

Ata nuk e ringritën Kombinatin, por e kanë plaçkitur atë!

Ne, grupi i këshilltarëve të Partisë së Lirisë në Këshillin Bashkiak të Tiranës kërkojmë urgjentisht:

1. Publikimin e listës së plotë të përfituesve të banesave në Kombinat.

2. Transparencë mbi kriteret dhe procedurat e ndjekura.

 3.Strehim të menjëhershëm për çdo familje që është ende pa çati.

Ne nuk harrojmë!

Premtimet ishin publike dhe mos mbajtja e tyre është turp publik dhe përgjegjësi penale.

Ne jemi zëri i atyre që nuk kanë më zë.

Do të kërkojmë llogari, derisa çdo banor i Kombinatit dhe të gjithë ata banorë që akoma nuk kanë banesat e premtuara, të marrin atë që i takon me të drejtë.

Qytetarët nuk kërkojnë më premtime, por përgjegjësi dhe drejtësi.