Ankandi i parë për shitjen e mbetjeve të riciklueshme në Berat
Nga OraNews Përditësimi i fundit 7 Korrik 2025, 17:43
Ish-kryetari i bashkisë së Beratit, deputeti i sapozgjedhur Ervin Demo njoftoi për zhvillimin me sukses të ankandit të parë për shitjen e mbetjeve të riciklueshme në shesh-depozitimin e Bashkisë Berat.
Demo tha se, rreth 65 tonë karton dhe letër të ndara në burim nga qytetarët e Beratit u shitën për riciklim.
Sipas tij, kjo është një arritje e rëndësishme për qytetin, sepse: tregon se ndarja e mbetjeve po funksionon në praktikë; ulet sasia e mbetjeve që përfundojnë në landfill dhe mbështet ekonominë qarkulluese dhe rrit ndërgjegjësimin për riciklimin në komunitet.
“Ky është një lajm i mirë dhe vetëm hapi i parë për një Berat më të pastër dhe të gjelbër”, tha ai.
