Lufta vazhdon… Me ndërhyrjen e policisë, Mauro Icardi mori vajzat e tij pas 10 orësh pritjeje dhe sherresh

Nga OraNews Përditësimi i fundit 2 Korrik 2025, 20:06

ARGJENTINE - Lufta midis Wanda Narës dhe Mauro Icardit vazhdon dhe e gjithë Argjentina po shikon një telenovelë të pabesueshme që askush nuk mund ta parashikojë zhvillimet e mëtejshme.

Disa javë pasi gjyqi që ishte mbajtur në Itali dhe prania e tyre e përbashkët pati shumë luhatje, fundjavën e kaluar Icardi duhej të merrte, sipas orarit të caktuar nga gjykata, dy vajzat e tyre për të kaluar disa ditë së bashku...

Futbollisti i Galatasarayt u gjet në orën 11 të mëngjesit në apartamentin ku jeton Nara me fëmijët (dhe të cilin e kishte blerë vetë), megjithatë ish-gruaja e tij refuzoi t'i linte fëmijët të shkonin, duke përmendur arsye personale dhe psikologjike!

Fillimisht, Icardi dhe përfaqësuesit e tij u përpoqën ta bindnin me qetësi, duke shpjeguar se ajo është e detyruar nga vendimi i gjykatës t'i lërë fëmijët, megjithatë, me kalimin e kohës, tensioni u rrit dhe burrat e sigurisë u përfshinë në të gjithë skenën (apartamenti ndodhet në një kompleks luksoz banesash).

Situata dukej se po dilte jashtë kontrollit me fqinjët që telefonuan policinë për "çështjen personale" që evoluoi në... një shfaqje publike, pasi Icardi nuk qëndroi duarkryq duke telefonuar Autoritetin e Mbrojtjes së të Miturve, ndërsa informoi policinë për qëllimin e tij për të ngritur një padi kundër ish-gruas së tij!

Më në fund, pas një maratone 10-orëshe, dy vajzat e vogla dolën nga apartamenti dhe iu dhanë babait të tyre, i cili njoftoi veprime të reja ligjore.

"Nuk është e mundur që çdo takim me vajzat e tij të varet nga humori ose humoret e Wandës", thanë avokatët e tij, me Narën që bëhet shënjestër e sulmeve online, por ajo vetë beson se Icardi po i përdor vajzat për ta ushtruar presion emocionalisht.

Megjithatë, të dy shmangën "sfidat" e drejtpërdrejta përmes mediave sociale, por jo ato indirekte.

Kështu që Icardi ngarkoi përsëri një histori me dorën e ngritur, siç bëri Johnny Depp pas padisë së tij të fituar kundër Amber Heard, që Wanda Nara të "përgjigjej" duke deklaruar fillimisht pas paraqitjes së saj në një shfaqje televizive "se u thanë shumë gënjeshtra për atë që ndodhi" dhe duke postuar fotot e saj ku mund të shihet qartë guri solitar që ish-burri i saj i kishte dhënë.