Dezinsektimi në proces e sipër/ Koçiu: Po parandalojmë shtimin dhe përhapjen në zonat turistike
Nga OraNews Përditësimi i fundit 23 Qershor 2025, 16:54
Ministrja e Shëndetësisë Albana Koçiu lajmëroi se vijon procesi i dezinsektimit nga veriu deri në jug ku prioritet kanë zonat turistike.
Gjatë një inspektimi të procesit në Gjirin e Lalzit, u bëri thirrje bizneseve që të mbajnë pastër ambjentet.
Ministria e Shëndetësisë vijon me procesin e dizensektimit në zonat turistike.
Ministrja Albana Koçiu u ndal në Gjirin e Lalzit ku u krye trajtimi i katërt që prej nisjes së sezonit, ndërsa bëri me dije dhe mënyrën se si punohet për parandalimit e përhapjes së insekteve.
U shpreh se prioritet mbeten zonat bregdetare, për të mbrojtur turistët vendas apo edhe të huaj.
U bëri thirrje dhe bizneseve të mbajnë pastër ambjentet.
Ky program kombëtar shtrihet në të gjithë zonat turistike të vendit dhe do të vijojë deri në tetor për të mbrojtur shëndetin e qytetarëve.
