Darwin Nunez jep sinjale pozitive për kalimin te Napoli
Nga OraNews Përditësimi i fundit 23 Qershor 2025, 16:19
Napoli ka marrë sinjale inkurajuese nga sulmuesi i Liverpoolit, Darwin Nunez, për një transferim të mundshëm gjatë kësaj merkatoje.
Sipas Fabrizio Romano, lojtari nga Uruguai i ka dhënë “dritën jeshile fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.
Nunez është i hapur për këtë lëvizje, por marrëveshja tani varet nga aspektet financiare.
Liverpooli kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.
Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.
Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.
