Baerbock zgjidhet presidente e Asamblesë së Përgjithshme të OKB-së
Nga OraNews Përditësimi i fundit 2 Qershor 2025, 17:41
Asambleja e Përgjithshme e OKB-së zgjodhi sot ish-ministren e Jashtme gjermane, Annalena Baerbock si presidente të organit më të madh të OKB-së.
Baerbock kandidoi pa kundërshtar për pozicionin e lartë njëvjeçar, i cili ka kryesisht rëndësi ceremoniale dhe nuk duhet të ngatërrohet me rolin e sekretarit të përgjithshëm të OKB-së, Antonio Guterres.
44-vjeçarja Baerbock mori 167 vota pro.
Zgjedhja në seancën plenare para 193 vendeve anëtare të OKB-së u konsiderua si një formalitet, por u mbajt një votim i fshehtë, sipas kërkesës së Rusisë.
Baerbock do të betohet më 9 shtator, pak para takimit vjetor të Asamblesë së Përgjithshme. Zgjedhja në seancën plenare para 193 vendeve anëtare të OKB-së u konsiderua një formalitet.
Më 9 shtator Asambleja e Përgjithshme e OKB-së do të zhvillojë takimin vjetor me të ftuar shtetërorë nga e gjithë bota.
