VIDEO/ Alarm për bo*bë në një hotel në qendër të Tiranës, policia rrethon zonën
Nga Isa Myzyraj Përditësimi i fundit 30 Maj 2025, 20:10
Një alarm për bombë është ngritur në një hotel në qendër të Tiranës.
Policia ndodhet në vendin e ngjarjes ku ka rrethuar zonën dhe po kryhen verifikimet e nevojshme.
Bëhet me dije se stafi dhe klientët janë evakuuar.
Njoftimi i policisë:
Tiranë/Informacion paraprak
Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.
Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit.
Gjithashtu janë njoftuar forca xheniere për kontrollin dhe verifikimin e informacionit.
Në përfundim të kontrollit dhe veprimeve hetimore do të keni një informacion me të detajuar për rastin.
