TABELAT/ Numërohen 5 182 qendra votimi, ja çfarë ka ndodhur me shpërndarjen e mandateve
Nga OraNews Përditësimi i fundit 13 Maj 2025, 21:26
Procesi i numërimit të votave për zgjedhjet parlamentare të 11 majit është drejt fundit, teksa në të gjithë vendin, janë numëruar votat në 5 182 qendra votimi nga 5 225 në total.
Sipas të dhënave të publikuara në faqen zyrtare të KQZ-së nga numërimi i votave Partia Socialiste kryeson me 727 431 vota ose 52.15 %, ndërsa Partia Demokratike – Aleanca për Shqipërinë Madhështore renditet e dyta me 478 224 vota ose 34.29%.
Forca e tretë politike sipas të dhënave deri tani renditet Koalicioni “Nisma Shqipëria bëhet” që ka marrë 49 031 ose 3.52 %.
Partia Socialdemokrate ka marrë 47 201 vota ose 3,38%.
Partia “Mundësia” ka marrë 42 494 vota ose 3.05 %.
“Lëvizja Bashkë” ka marrë 19 959 vota ose 1.43 %
Partia Koalicioni Euroatlantik ka marrë 19 161 vota ose 1.37 %.
NDIQNI MARATONËN LIVE TË ZGJEDHJEVE NË SHQIPËRI
