Rama vazhdon me etiketimet e kundërshtarëve: Eno, qyp arkeologjik! As faturino nuk e vë atë
Nga OraNews Përditësimi i fundit 23 Prill 2025, 20:42
Kryeministri Edi Rama ka zhvilluar mbrëmjen e kësaj të enjte mitingun në Berat, në kuadër të fushatës, ku fjalimi i tij nuk ka patur shumë ndryshime nga mitingjet e tjera.
Nga Berati, Rama është marrë me drejtuesin politik të PD-së në këtë qark, Eno Bozdon, të cilin e ka quajtur “qyp arkeologjik”, që sipas tij, nuk ka asnjë vlerë dhe nuk do e merrte as për faturino.
“Je me kënetën. Ke një votë. Për çfarë do ta harxhosh. Se ke mall për bufin kur akoma nuk kishte rrjedhur. Apo do ta investosh që ajo që ti do të bësh të ketë një shans më shumë dhe Shqipëria do të jetë shumë më tepër mundësi për të ndihmuar ty?
Për çfarë? Për të çuar deputetë në parlament këta që un as nuk i njoh. Një Eno Eno. Një vazo arkeologjike që nuk e di nga e kanë sjellë. As vazo jo. Qyp arkeologjik, Eno.
Pa asnjë vlerë. Zero. Fatorino nuk e vë atë. E kanë sjellë këtu drejtues. E për çfarë për Enon.
Unë them që këtu të gjithë duhet ta mendojnë sepse është përgjegjësi e madhe në këto zgjedhje. Nuk është për mua, sepse aq vota ne i kemi.
Problemi është që t’i japim Shqipërisë një fuqi vendimmarrëse. Të mos trallisemi me Enot dhe enët e arkeologjisë politike”, tha Rama.
