“Nuk i dha dorën”/ Pl*gosja në mes të Tiranës, si nisi sherri masiv në lokal. Policia ende pa reagim
Nga Edison Vatnikaj Përditësimi i fundit 17 Prill 2025, 10:17
Teksa kanë kaluar më shumë se 12 orë, ende nuk ka një komunikatë nga Policia për sherrin masiv të regjistruar mbrëmjen e djeshme në ambientet e një lokali në rrugën “Sami Frashëri” në Tiranë, e cila degradoi deri në plagosjen me armë zjarri të një personi.
Në bazë të dëshmive dhe pas këqyrjes së kamerave të sigurisë mësohet se 7 persona kanë qenë të ulur së bashku në një tavolinë brenda në restorant te rruga "Sami Frashëri", ndërsa 2 prej tyre janë konfliktuar me fjalë dhe më pas kanë goditur njëri-tjetrin.
Sherri ka nisur nga dy persona njëri i ka dhënë të gjithëve dorën dhe njëri prej këtyre nuk ia ka dhënë duke edhe e ofenduar dhe më pas janë përplasur fizikisht dhe me karrige dhe gjatë sherrit është qëlluar edhe me armë zjarri dhe më pas janë larguar me 4 makina me shpejtësi të gjithë nga vendi i ngjarjes për t'i shpëtuar policisë.
Sapo ka mbërritur brenda në lokal policia ka konstatuar një gëzhojë dhe njollat e gjakut brenda ambientit të restorantit ku ndodhi konflikti, po ashtu ka sekuestruar edhe armën e zjarrit tip pistoletë e cila ishte lënë brenda në restoranti nga autori, pasi dyshohet që gjatë përleshjes fizike i ka rënë në tokë.
Pas këtij sherri, dyshohet se nga e shtëna më armë është plagosur një person, i cili dyshohet se u transportua në një spital privat. Ndërsa, sipas informacioneve paraprake mësohet se përplasja mes tyre ka ndodhur për paratë me fajde.
Të gjithë personat në konflikt janë identifikuar nga policia e ndërsa ka nisur edhe operacioni për ndalimin e tyre.
