Agjëron që prej moshës 20-vjeçare, Zejnati: Është një mundësi që të jesh sa më afër Zotit
Nga OraNews Përditësimi i fundit 29 Mars 2025, 13:14
Eduart Zejnati, 48 vjeç, ka agjëruar për here të parë në moshën 20 vjeçare.
Pavarësisht viteve që kanë kaluar, ai ka mbajtur përkushtimin ndaj këtij akti fetar dhe thekson rëndësinë e tij në jetën shpirtërore.
Sot, ai është edhe një shembull për fëmijët e tij, të cilët kanë vendosur ta ndjekin atë dhe të agjërojnë për çdo vit, sipas dëshirës së tyre.
‘’Fëmijët shohin atmosferën që krijohet për Ramazan dhe vetë ata kërkojnë të agjërojnë. U duket diçka e bukur dhe e mirë’’.
Për Eduartin, agjërimi nuk është thjesht një akt i ndalimit të ushqimit dhe pijes, por një mundësi për të qenë më afër Zotit dhe për të jetuar në harmoni me veten dhe të tjerët.
‘’Agjërimi është një mundësi e mirë që besimtari të kuptojë si funksionon çdo gjë në tërësi. Është një mundësi që të jesh sa më afër Zotit’’.
Ai beson se agjërimi e bën atë më të mirë në çdo aspekt të jetës së tij, duke e ndihmuar të përmirësojë çdo moment të përditshëm.
Në vitet që kanë kaluar, ai ka ruajtur zakonin e faljes së pesë vakteve ditore, duke i kushtuar çdo ditë kohë për përkushtim dhe lutje.
Për Eduartin, muaji i Ramazanit është një periudhë reflektimi ndaj ka nje rendesi te madhe.
