EMRI/ "Çmendet" 68-vjeçari në Vaun e Dejës, ja çfarë tentoi të bënte
Nga OraNews Përditësimi i fundit 24 Mars 2025, 10:12
Një ngjarje e rëndë është shënuar në Vaun e Dejës, ku një 68-vjeçar ka tentuar që të vrasë me çifte gruan e tij për motive xhelozie.
Policia bën me dije se 68-vjeçari Xhabir Hoxhaj, për motive xhelozie ka qëlluar 2 herë me armë gjahu çifte në drejtim të bashkëshortes për ta vrarë dhe më pas e ka goditur me grushte në fytyrë dhe e ka dëmtuar me mjet prerës (xham) në pjesën e qafës dhe shpatullës.
Ndërsa u bë e ditur se 61-vjeçarja ndodhet nën kujdesin e mjekëve jashtë rrezikut për jetën.
“Në bashkëpunim me Sektorin për Krimet e Rënda në Drejtorinë Vendore të Policisë Shkodër u bë kapja e shtetasit Xh. H., 68 vjeç, banues në fshatin Mjedë dhe arrestimi në flagrancë i tij për veprën penale “Vrasja për shkak të marrëdhënieve familjare” e mbetur në tentativë.
Nga veprimet e para hetimore dyshohet se 68-vjeçari, për motive të dobëta (xhelozie) ka qëlluar 2 herë me armë gjahu çifte në drejtim të bashkëshortes për ta vrarë dhe më pas e ka goditur me grushte në fytyrë dhe e ka dëmtuar me mjet prerës (xham) në pjesën e qafës dhe shpatullës.
61-vjeçarja shtetasja Gj.H, ndodhet nën kujdesin e mjekëve jashtë rrezikut për jetën.
Në cilësinë e provës materiale është sekuestruar arma e gjahut çifte, dy gëzhoja dhe 17 fishekë armë gjahu”, thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
