VIDEO/ Rama talli sërish Lulin, Basha i kthehet: Me kmish nate apo kmish burgu? Me çar i ke vesh shokët?

Kryeministri Edi Rama sot është tallur sërish me Luli Bashën. Gjatë takimit me kandidatët e PS-së në Elbasan, Rama me nota ironie u shpreh se një njeri që gjumi e do vetëm për vete është i përsosur dhe ka lindur me këmishë nate.

“Luli nuk evoluon se është i përsosur dhe nuk ka ça evoluon, ka lindur i përsosur. Një njeri që gjumi e do aq shumë sa e mban për vete. Ka njerëz që thonë lind me këmishë, por Luli ka lindur me këmishë nate. Një është ai”, ka deklaruar Rama.

Nuk ka vonuar dhe ka ardhur reagimi i Lulzim Bashës përmes rrjeteve sociale.

"Me kmish nate apo kmish burgu?

Me çar i ke vesh shokët Rame

7x7=313", thekson Basha, në komentin bashkëngjitur video-mesazhit drejtuar Ramës.