Marta Kos i dhuron Ramës fanelën “Skuadra Europë”: Kur të përfundojmë negociatat, do ngjit malin e Korabit
Nga OraNews Përditësimi i fundit 13 Mars 2025, 11:24
Komisionerja për Zgjerim e Bashkimit Europian, Marta Kos, ka vizituar Tiranën ku i dhuroi kryeministrit Edi Rama dy fanella si simbol të angazhimit të përbashkët për integrimin e Shqipërisë në Bashkimin Europian.
Njëra fanellë ishte e emërtuar “Skuadra Europë”, ndërsa tjetra ishte një fanellë e ekipit të njohur italian, Juventus.
Marta Kos: Ne kemi parë edhe kampionatin evropian të futbollit dhe kam mësuar sa të shpejti jeni ju dhe Bajrami, bëri edhe golin në sekondën e 23, por tani e kuptova sa të shpejte jeni ju në anëtarësimin e BE.
Futbolli luan një rol të rëndësishëm në jetën e shoqërisë shqiptare.
Dhurata ime për ju sot është simbolike për të gjithë Shqipërinë.
Aty thotë që ekipi Europë dhe duam që e gjithë Shqipëria të bëhet pjesë, ky është numri im, prandaj ju dhamë numrin 11 në ekipin tonë.
Kur ne të përfundojmë procesin e negociatave unë do ngjitem në malin më të lartë të Shqipërisë, do arrij malin e Korabit.
Edi Rama: Kur të hyjmë në BE do ju jap një kryeministër të ri dhe të freskët që të ngjitet deri në majën më të lartë. Por jam i prekur nga kjo dhe 11 është numër i shkëlqyer.
