EMRI/ "Ora News" denoncoi sherrin në shkollën "Sevasti Qirjazi", arrestohet 19-vjeçari që kanosi drejtoreshën, policia zbardh ngjarjen
Nga OraNews Përditësimi i fundit 6 Mars 2025, 16:07
Një denoncim ka mbërritur në redaksinë e lajmeve në “Ora News” ku njofton se një sherr mes adoleshentësh ka degraduar në përdorimin e armëve të ftohta te shkolla “Sevasti Qirjazi” në kryeqytet, sherr që do të transferohej edhe në Këshillin Pedagogjik ku mësohet se është kërcënuar edhe stafi i mësuesve të shkollës në fjalë.
Pas publikimi te denoncimit, policia e Tiranës doli me njoftim zyrtar ku ben me dije se ka arrestuar 19-vjeçarin, Klevis Rajta, i cili ka kanosur drejtoreshën e shkollës pasi ajo i konfiskoi telefonin që përdorte gjatë orës së mësimit. 19-vjeçari gjithashtu ka kundërshtuar me dhunë punonjësin e Policisë, gjatë veprimeve për shoqërimin e tij në Komisariat.
Gjithashtu gjatë kontrollit fizik iu gjet dhe iu sekuestrua një mjet prerës. Ndërkohë materialet procedurale iu referuan Prokurorisë së Tiranës, për veprime të mëtejshme.
Njoftimi i Policisë:
Specialistët për Hetimin e Krimeve të Komisariatit të Policisë Nr. 4 arrestuan shtetasin Klevis Rajta, 19 vjeç, sepse ka kanosur drejtoreshën e shkollës ku ishte nxënës, për shkak se i ka marrë celularin që përdorte gjatë mësimit. Ai gjithashtu ka kundërshtuar me dhunë punonjësin e Policisë, gjatë veprimeve për shoqërimin e tij në Komisariat. Gjatë kontrollit fizik iu gjet dhe iu sekuestrua një mjet prerës.
Denoncimi:
“Te shkolla “Sevasti Qirjazi” ka ndodhur një sherr me armë të ftohta.
Është kërcënuar stafi pedagogjik, edhe është shoqëruar në komisariatin nr. 4 autori i dyshuar i ngjarjes.
Ngjarja ka ndodhur sot rreth orës 13:30 dhe nuk është raportuar as nga Policia e Shtetit. Ka hyrë me thikë dhe ka rrahur zyshat, por është liruar pasi autori adoleshent është djali i një polici OPGJ”, raportojnë burimet.
