Postimi i gazetarit amerikan për çështjen McGonigal/ Ish-e dashura e zyrtarit të FBI-së: Akuza të reja do të dalin në dritë

Nga OraNews Përditësimi i fundit 23 Shkurt 2025, 07:30

Gazetari investigativ amerikan, Chuck Ross, në një postim në rrjete sociale një ditë më parë, ka shkruar lidhur me dosjen "McGonigal". Ross thotë se është çmenduri që Charles McGonigal u dënua se mori ryshfet nga kryeministri shqiptar Edi Rama, por marrëveshja e fajësisë nuk u publikua kurrë.

Gazetari shkruan se Departamenti i Drejtësisë i ish-presidentit Joe Biden i dha McGonigal një marrëveshje për pranimin e fajësisë. Ndërkohë gazetari poston edhe një link të një shkrimi të vitit 2023, ku ai tregon se si Alex Soros festoi 4 korrikun me një lider evropian që ka korruptuar një zyrtar të lartë të FBI-së.

“Një gjë e çmendur për mua është se si ish-zyrtari i FBI-së, Charles McGonigal u akuzua për marrjen e ryshfetit për të ndihmuar kryeministrin shqiptar Edi Rama, një mik shumë i ngushtë i Alex Soros, por detajet e marrëveshjes nuk dolën kurrë në dritë për shkak se Departamenti i Drejtësisë i Biden i dha McGonigal një marrëveshje për pranimin e fajësisë,” shkruan gazetari.

Por në postimin e tij në rrjetin social "X" ka komentuar ish-e dashura e McGonigal. Allison Guerriero thotë se gazetari Ross "Po i predikon korit". Ajo thotë se kur ajo deklaroi për krimet e McGonigal, FBI e ka terrorizuar.

Guerriero shprehet e bindur se që kur McGonigal filloi të hetohet, akuza të reja do të dalin në dritë dhe do të përfshijnë spiunazhin midis krimeve të tjera. Më pas, thotë ajo Charlie do të marrë dënimin e përjetshëm që meriton, si dhe ata që mbuluan akuzën e tij për krime.

"Po i predikoni korit!!! Unë isha e dashura e Charles McGonigal dhe e dorëzova. Kur e bëra, FBI e mbuloi dhe më terrorizoi. Dhe as mos më bëni të filloj me përfshirjen e të dy USAO-së. Unë jam i bindur se që kur ata akuzuan Charlie-n, akuza të reja do të dalin menjëherë dhe do të përfshijnë spiunazhin midis krimeve të tjera. Më pas, Charlie më në fund do të marrë dënimin e përjetshëm që meriton, si dhe ata që mbuluan akuzën e tij për krime. Faleminderit zotit Trump është POTUS dhe Kash dhe Pam u konfirmuan",- shkruan Guerriero.

Dosja McGonigal ka qënë një ndër çështjet që ka shkaktuar debat mes palëve politike në vend. Opozita shqiptare ka paralajmëruar se dosja Rama-McGonigal do hapet në SHBA. Kujtojmë se ligjvënësit republikanë kanë ushtruar hetim parlamentar për këtë aferë.