VIDEO/ Neymar shënon golin e parë me Santosin pas rikthimit tek klubi brazilian
Nga OraNews Përditësimi i fundit 17 Shkurt 2025, 11:35
Neymar Junior ka shënuar golin e parë që prej rikthimit të tij te Santosi.
Ylli brazilian e fitoi vetë penalltinë pasi u pengua në zonën e rreptësisë nga Soteldo, ndërsa gjyqtari pa hamendje akordoi 11 metërsh në ndeshjen mes Santosit dhe Agua Santas, e zhvilluar në “Vila Belmiro”.
Guilherme, gjuajtësi i rregullt i penalltive te Santosi, ia dha këtë privilegj ish-futbollistit të Barcelonës, Paris Saint-Germainit dhe Al Hilal.
Dhe, përfaqësuesi brazilian e dërgoi portierin në anën tjetër dhe shënoi.
Neymar zhvilloi ndeshjen e katërt që prej rikthimit të tij te Santosi dhe ky ishte goli i parë për të.
Festimi i tij ishte mjaft emocionues së bashku me tifozët, por edhe me shokët nga bankina e me stafin e trajnerëve.
“Unë jam këtu, unë jam kthyer”, theksoi “O Ney”, duke besuar se do të japë kontributin e tij për Santosin, ku u rikthye pas një periudhë të vështirë në Arabinë Saudite, ku nuk e lanë rehat lëndimet.
Neymar has just scored his first goal on his return to boyhood club Santos ????????pic.twitter.com/IqxJLRIBAp
— george (@StokeyyG2) February 17, 2025
