Sorensen nga nesër emisar i BE-së për dialogun Kosovë-Serbi
Nga OraNews Përditësimi i fundit 31 Janar 2025, 17:37
Politikani nga Danimarka Peter Sorensen i cili u zgjodh nga përfaqësuesja e lartë e BE-së për politikë të jashtme dhe siguri, Kaja Kallas, për ta zëvendësuar Mirosllav Lajçakun në këtë post nga nesër, më 1 shkurt do ta marr mandatin e tij.
Sorensen është konfirmuar përfundimisht emisar për dialogun Kosovë-Serbi nga ministrat e Jashtëm të Bashkimit Evropian.
Deri më tani këtë post e ka ushtruar emisari Miroslav Lajçak, i cili ditë më parë gjatë qëndrimit në Davos e kishte konfirmuar se është java e fundit e tij.
Lajçak do të pasohet nga diplomati Sorensen i cili ka përvojë të gjatë diplomatike në strukturat e BE.
