Statusi “investitor strategjik”, miratohet shtyrja e afatit deri në fund të 2026-ës
Nga OraNews Përditësimi i fundit 27 Janar 2025, 16:36
Diskutimet për të shtyrë edhe me tre vite ligjin për investimet strategjikë sollën në komisionin e ligjeve diskutimet mbi projektin turistik të Jared Kushner, dhëndrit të Donald Trumpit në ishullin e Sazanit.
Në të pritet të financohen 1,4 miliarde euro, për këto raste parashikohen përjashtime nga tatime vetëm për hotelerinë.
‘’A do të jetë Sazani pjesë e kësaj procedure? Kjo është 100% në varësi të investitorit nëse do ta bëjë këtë raport ose jo’’.
Debatet nuk munguan mes mazhorancës dhe opozitës, që e quajti ligjin klientelist në prag të zgjedhjeve.
‘’Që ky ligj është me efekt elektoral dhe doni ta përdorni për të marrë vota për PS’’.
Edhe socialisti Pandeli Majko nuk u bind, ndërsa votoi abstenim.
Nisma mori driten jeshile me votat e shumicës parlamentare duke e kaluar në provën e seancës.
