VIDEO/ Kaos në fushë! Polemika për arbitrimin, Kukësi braktis ndeshjen
Nga OraNews Përditësimi i fundit 25 Janar 2025, 18:08
Një situatë kaotike u regjistrua në ndeshjen mes Kukësit dhe Lushjes. Lagunarët triumfuan me rezultatin 2-1, por polemikat ishin të mëdha.
Verilindorët kishin pretendime për gjykimin, pas kartonit të kuq për Dragoshin në minutën e 11-të dhe penalltisë të akorduar në minutën e 29-të.
Ishte 11 metërshi që tensionoi gjithçka, me kuksianët që vendosën të braktisin ndeshjen, duke u larguar nga fusha.
Megjithatë pas disa diskutimeve, u vendos që të rikthehen dhe të vazhdojnë ndeshjen normalisht.
