Manchester United insiston për Patrick Dorgu, dërgon ofertë mbi 30 milionë euro te Lecce
Nga OraNews Përditësimi i fundit 24 Janar 2025, 17:34
Sipas raportimeve të Fabrizio Romano-s, klubi anglez ka paraqitur një propozim zyrtar për Dorgu, një lojtar i talentuar i Lecce-s.
Futbollisti ka dhënë tashmë miratimin e tij për transferimin dhe marrëveshja është aktualisht në proces.
Në këtë sezon, lojtari i lindur në vitin 2004 ka luajtur 20 ndeshje në Serinë A, duke shënuar 3 gola (2 prej tyre në Kupën e Italisë).
Ai ka marrë gjithashtu 2 kartonë të verdhë dhe 1 të kuq, duke kaluar gjithsej 1,910 minuta në fushë.
Presidenti i Lecce-s, Saverio Sticchi Damiani, foli së fundmi për takimin që pati me Manchester United në lidhje me Patrick Dorgu:
"Takimi ishte miqësor dhe shumë pozitiv.
Për ne, të ulemi në një tavolinë me Manchester United për të diskutuar për një lojtar që vjen nga Akademia jonë është një kënaqësi e madhe.
Kjo tregon se rruga e rritjes së klubit është e rëndësishme.
Ne u shpjeguam se dëshira jonë është të mbajmë të pandryshuar organikën, duke ruajtur të gjithë lojtarët kryesorë, përfshirë Dorgu.
Për ne, ky vit është historik, pasi mund të arrijmë shpëtimin e tretë historik.
Edhe pse ndihemi të nderuar nga oferta e tyre, prioriteti ynë mbetet rezultati sportiv."
