Konseisao merr fitoren e parë në kampionat, Milani triumfon me përmbysje ndaj Comos
Nga OraNews Përditësimi i fundit 14 Janar 2025, 20:38
Serxho Konseisao i është gëzuar fitores së parë në Serinë A në drejtimin e Milanit, teksa ka parë skuadrën e tij të triumfojë jo pa vuajtje në transfertë përballë Komos.
Pas një pjese të parë pa gola, ku për me tepër Morata u ndëshkua me të verdhin që e bën të mungojë në ndeshjen ndaj Juves dhe Pulisiç i cili doli i dëmtuar, situata u komplikua në pjesën e dytë të ndeshjes.
Diao shënoi një gol spektakolar për vendasit duke i dhënë avantazhin që la të mendohej se përsëri Konseisao nuk do të shijonte fitoren.
Por Milani reagoi dhe ia doli të gjente fillimisht barazimin me Teo Hernandez, e më pas edhe golin e përmbysjes 2-1 të Rafael Leaos, për të siguruar tre pikët e para për trajnerin portugez në kampionat.
