Trazira në një burg në Mozambik, arratisen mbi 1500 të burgosur
Nga OraNews Përditësimi i fundit 26 Dhjetor 2024, 12:52
Një trazirë në burg në kryeqytetin Maputo të Mozambikut la 33 të vdekur dhe 15 të plagosur, tha të mërkurën komandanti i përgjithshëm i policisë së vendit, Bernardino Rafael.
Rreth 1,534 njerëz u arratisën nga burgu, por 150 prej tyre tani janë rikapur, ka thënë ai, shkruajnë mediat e huaja, përcjell Telegrafi.
Arratisja nga burgu vjen një ditë pasi të paktën 21 persona u vranë në trazirat që shpërthyen kur gjykata e lartë e Mozambikut konfirmoi të hënën fitoren e kandidatit presidencial të partisë në pushtet Frelimo, Daniel Chapo, në zgjedhjet e diskutueshme të tetorit.
