Bako: Shfaqja ''Çifti i hapur'' është një bashkëpunim mes teatrit të Gostivarit dhe teatrit ''Aleksandër Moisiu''
Nga OraNews Përditësimi i fundit 25 Dhjetor 2024, 21:48
Aktorja Suela Bako e ftuar në emisionin ‘’Ora e Betit’’ në Ora News u shpreh se shfaqja ‘’Çifti i hapur’’ është një bashkëpunim mes teatrit të Gostivarit dhe teatrit ‘’Aleksandër Moisiu’’.
Bako: Premierën e ka pasur në 28 nëntor të 2023 në teatrin eksperimental.
Pas një viti ne u rikthyem në datën 20 në sallën e madhe të Teatrit Kombëtar.
Por këtë herë si një shenjë e bashkëpunimit ndërteatror midis Maqedonisë së Veriut, Shqipërisë dhe Kosovës.
Shfaqja në fakt ishte zgjedhur kishim fatin të ishim pjesë e festivalit ‘’Moisiu’’ që do të zhvillohej në Kosovë.
Por për hir të një greve që atje zhvillohej festivali u anullua dhe u la të bëhej vetëm ky ndërveprim i shfaqjeve shqiptare që shkojnë në Maqedoninë e Veriut dhe anasjelltas.
Në këtë rast ne u kategorizuam dhe u klasifikuam si një shfaqje e Maqedonisë së Veriut për sa është një bashkëpunim mes teatrit të Gostivarit dhe teatrit ‘’Aleksandër Moisiu’’.
