4 raste në pak ditë, ç’po ndodh me mandarinat? Eksperti: Duhet kontroll. Kjo që ka ndodhur do të ndjehet shumë shpejt tek eksportet
Nga OraNews Përditësimi i fundit 20 Dhjetor 2024, 21:56
Temë e bisedës së shtruar për diskutim në emisionin “Alert” në “Ora News” nga moderatori Granit Sokolaj ishin alarmet ushqimore që janë ngritur tek konsumatorët përgjatë këtij viti, duke u nisur dhe nga shqetësimi që vjen për mandarinat në tregun shqiptar.
Pas alarmit të dhënë nga BEpër mandarinat shqiptare me pesticide tej normave të lejuara, tashmë ka nisur marrja e mostrave në pikat e grumbullimit dhe tregtimit.
Ndërsa qarqet e Vlorës, Fierit, Tiranës janë vendosur në monitorim dhe marrje mostre, ku rezultati do 3-4 ditë për të dalë.
Pesticidi i zbuluar tek mandarinat nuk është në listën e epsticodeve të lejuara në Shqipëri dhe BE dhe ky lloj pesticidi është lejuar dhe përdorur në Shqipëri në vitin 2020, dhe prej 4 vitesh është hequr nga lista.
Por si është përdorur ky pesticid nga fermerët shqiptarë, kur farmacitë bujqësore e kanë të ndaluar tregtimin e tij?
Sokol Abazi, Kimist, Profesor, dhe Menaxhues Laboratori u shpreh se në raste të tilla fermeri mund të jetë në njëjtën kohë edhe me faj, por në të njëjtën kohë edhe viktimë.
“Sa i përket faktit se pse nuk bëhet një analizë e produktit duhet të kuptojmë se më shumë humbasim kur kthehet një kamion si në rastet konkrete; kemi kostot e shkatërrimit dhe ndonjëherë ky shkatërrim ndodh aty ku është vendi i prodhimit dhe kjo ka kosto më të madhe se sa sasia në kamion. Por më shumë që ka kosto është se humbasim dhe besimin në treg.
E gjithë kjo që ka ndodhur do të ndjehet shumë shpejt tek eksporti jonë, i cili do të bjerë shumë”, tha eksperti/
NDIQNI EMISIONIN E PLOTË “ALERT” NË “ORA NEWS”
