Mandarinat “e helmuara”, Agolli: S’i mbetet faji vetëm përdoruesit të pesticidit, por është një zinxhir i tërë i sigurimit të produktit

Nga OraNews Përditësimi i fundit 20 Dhjetor 2024, 21:42

Temë e bisedës së shtruar për diskutim në emisionin “Alert” në “Ora News” nga moderatori Granit Sokolaj ishin alarmet ushqimore që janë ngritur tek konsumatorët përgjatë këtij viti, duke u nisur dhe nga shqetësimi që vjen për mandarinat në tregun shqiptar.

Pas alarmit të dhënë nga BE për mandarinat shqiptare me pesticide tej normave të lejuara, tashmë ka nisur marrja e mostrave në pikat e grumbullimit dhe tregtimit.

Ndërsa qarqet e Vlorës, Fierit, Tiranës janë vendosur në monitorim dhe marrje mostre, ku rezultati do 3-4 ditë për të dalë.

Pesticidi i zbuluar tek mandarinat nuk është në listën e epsticodeve të lejuara në Shqipëri dhe BE dhe ky lloj pesticidi është lejuar dhe përdorur në Shqipëri në vitin 2020, dhe prej 4 vitesh është hequr nga lista.

Por si është përdorur ky pesticid nga fermerët shqiptarë, kur farmacitë bujqësore e kanë të ndaluar tregtimin e tij?

Agim Agolli, Përgjegjës i Certifikimit Fitosanitar e Monitorimit të PMB, AKVMB, u shpreh se përdorimi i drejtë i pesticideve siguron një ushqim të sigurtë.

“Nuk i mbetet faji vetëm përdoruesit të pesticidit, por është një zinxhir i tërë i sigurimit të ushqimit të sigurtë, por përdoruesi është i pari në këtë çështje.

Ne si AKVMB marrim njoftimin nga AKU dhe na sjell informacionin se në cilat ferma është përdorur pesticidi”, tha ai.

NDIQNI EMISIONIN E PLOTË “ALERT” NË “ORA NEWS”