Masat ndaj Meningjitit/ Doktor Pilaca te spitali Hygeia: Nuk ka nevojë për panik
Nga OraNews Përditësimi i fundit 19 Dhjetor 2024, 18:05
Humbja e jetës së 17 vjeçares pasi u prek nga meningjiti ka ngritur jo pak shqetësime.
Profesor doktor Arben Pilaca, shprehet se nuk ka vend për panik.
''Nuk ka arsye për panik''.
Kreu i repartit të sëmundjeve të brendshme në spitalin Hygea rendit disa shenja kur bluzat e bardha duhet të orientohen te diagnostifikimi.
‘’Transmetohet nga kontakti i ngushtë njerëzor, me anë të rrugëve ajrore, tështitje e kollitje.
Dhimbje koke të forta, të vjella, dhimbje të syve, temperature të larta por që kanë një element që në lëkurë kanë disa shenja’’.
Thekson domosdoshmërinë e paraqitjes te mjeku me shenjat më të para.
‘’Sa më shpejt të shkohet, aq më shumë shanse ka që mbijetesa të jetë më pozitive.
Vonesat ndikojnë negativisht’’.
Rastin fatkeq e konsideroi të rrallë.
‘’Është i shkaktuar nga një lloj i veçantë''.
Veç kontrolleve te personat e afërt, çka tashmë është realizuar, sugjeron dhe vaksinimin.
Madje Pllaca bën të ditur se mjaft shtete vaksinën e aplikojnë dhe mes adoleshentëve.
