Regjistrimi i kontratës së dhurimit të pronës, brenda 30 ditëve pa kamatëvonesë

Nga OraNews Përditësimi i fundit 5 Dhjetor 2024, 15:29

Kadastra Shqiptare njofton se, regjistrimi i kontratës së dhurimit të pasurisë së paluajtshme brenda familjes, mund ta regjistroni brenda 30 ditëve nga momenti i nënshkrimit, pa kamatëvonesë.

Sipas KSH-së, të gjitha dhurimet brenda familjes, janë të përjashtuara nga tatimi për kalimin e së drejtës së pronësisë.

Regjistrimi i kontratës, kryet përmes portalin a-albania, në shërbimin “Regjistrim i kontratës së dhurimit”. Plotësohen të dhënat e kërkuara në aplikim si dhe ngarkohet  dokumentacioni në formatin pdf.

Më pas dërgohen me postë dokumentacionet e mëposhtme pranë Drejtorisë Vendore të ASHK që administron zonën kadastrale në të cilën ndodhet pasuria e paluajtshme.

Kontratë dhurimi (përfshirë: certifikatën e pronësisë, kartelën e pasurisë të përditësuar dhe fragment të hartës kadastrale); Akt përfaqësimi (prokurë, në rast se nuk aplikon pronari/ bashkëpronari); Mandat pagese të tarifës së shërbimit.

Kadastra sqaron se, familja në këtë kontekst nënkupton marrëdhënien midis bashkëshortëve, prindërve dhe fëmijëve, si dhe mes motrës dhe vëllait. 

Regjistrimi i kontratës së dhurimit të pronës, brenda 30