REZULTATET+VIDEO/ Livepooli "shtyp" Realin, Juvja merr pikë ndaj Aston Villas, ‘ok’ Dortmundi dhe Lille
Nga OraNews Përditësimi i fundit 27 Nëntor 2024, 23:12
Liverpooli, ecuri perfekte në pesë ndeshjet e para të këtij formati të ri të Champions League.
Të kuqtë fituan 2-0 përballë Realit të Madridit në Anfield, në një ndeshje të pazakontë, ku dy ‘yjet’ e futbollit evropian, Mbappe dhe Salah humbën nga një 11-meterësh.
VIDEO - Liverpool - Real Madrit 0-1
Shpërthen më në fund festa në Anfield. Në minutën e 52-të të ndeshjes, Mac Allister realizon me një goditje diagonale brenda zonës, që kapi të papërgatitur Courtois.
Askion i gjatë i Liverpoolit, që u mbyll me finalizimin e 25-vjeçarit.
Vetëm pak minuta pas zhbllokimit të rezultatit, Reali fiton një 11-metërh me Lucas Vasquez, por Kylian Mbappe gabon përballë Kelleher.
VIDEO - Penalltia e humbur nga Mbappe
Liverpooli fiton një 11-metërsh në minutën e 59-të, pas ndërhyrjes së gabuar të Mendy ndaj Salah. ‘Faraoni’ e merr vetë ekzekutimin e penalltisë, por godet jashtë.
Nuk është mbrëmja e Realit: në minutën e 76-të, në zhvillimet e një goditjeje këndi, Gakpo gjendet i lirë në zonën e portierit, ku nuk e ka të vështirë për ta dërguar topin në rrjetë.
VIDEO - Liverpool - Real Madrid 2-0
Aston Villa barazon 0-0 përballë Juventusit në “Villa Park”. Ekipi nga Birminghami arrit ta shënonte një gol në minutat shtesë, por pas ndëryrjes së sistemit VAR u anulua për pozicion jashtë loje.
Në ndeshjet e tjera spikat fitorja e Lille në fushën e Bolognas dhe triumfi me përmbysje 2-3 i Benficas në transfertë me Monacon. Edhe PSV përmbys 3-2 Shaktar Donetsk, ndërsa Dortmundi fitoi 0-3 në Zagreb.
Rezultatet:
Aston Villa – Juventus 0-0
Bologna – Lille 1-2
Celtic - Club Brugge KV 1-1
D. Zagreb – Dortmund 0-3
Liverpool - Real Madrid 2-0
Monaco – Benfica 2-3
PSV - Shakhtar Donetsk 3-2
