Zbulohet vlera e raketës prej ari që iu dhurua Nadalit në Riad
Nga OraNews Përditësimi i fundit 24 Tetor 2024, 16:52
Edhe pse nuk ishte një turne zyrtar, Rafa Nadal konkurroi për herë të parafundit në karrierën e tij në Six Kings Slam.
Fituesi i 22 turneve Grand Slam, i cili do të tërhiqet nëntorin e ardhshëm pasi të luajtë në Final 8 të Kupës Davis me Spanjën, u rikthye për të luajtur në Riad për herë të parë që kur u eliminua në Lojërat Olimpike të Parisit dhe humbi me Carlos lcaraz dhe Novak Gjokoviç në eventin e Arabisë Saudite.
Pas dorëzimit në dy sete ndaj serbit, Rafa u nderua nga organizatorët e Six Kings Slam, një turne që mbahet në një vend ku Nadal vlerësohet shumë pasi është ambasador i Federatës së Tenisit.
Turki Al Sheikh, këshilltar i Oborrit Mbretëror të Arabisë Saudite, promovues i ngjarjeve sportive si kjo ekspozitë tenisi dhe madje president i ekipit të futbollit Almería, u zbriti në fushë për të udhëhequr nderimet ndaj tenisit nga Mallorca, tashmë në fazën e fundit të karrierës së tij.
Atje, Nadal mori një dhuratë shumë të habitshme: një raketë të larë në ar, për ta falënderuar për të gjitha sukseset që arriti gjatë karrierës së tij.
Më vonë u zbulua se dhurata peshonte rreth tre kilogramë dhe mbi të gjitha çmimi i saj: afërsisht 250 mijë euro.
Një shifër e tepruar që u shtohet dy milionë dollarëve që Rafa futi në xhep për pjesëmarrjen në Six Kings Slam (Sinner, fituesi, mori gjashtë milionë. Dhe një çmim i merituar për një karrierë aq të shkëlqyer sa ari në atë raketë.
