Zbulohet plantacioni i kanabisit në Greqi, arrestohen dy shqiptarët që kujdeseshin për bimët
Nga OraNews Përditësimi i fundit 17 Tetor 2024, 17:42
Një plantacion hashashi është zbuluar nga policia greke. Siç raportohet për 6000 bimët e kanabisit kujdesheshin shqiptarët, të cilët janë arrestuar.
Operacioni u zhvillua mëngjesin e djeshëm në një sipërfaqe prej 20 hektarësh ku kultivohej misër në zonën rurale “Pavlos” në Orchomenos. Pronar i plantacionit me misër ishte një grek nga Fthiotida. Por mes misrit ai kishte zgjedhur të kultivonte edhe hashash.
Shitja e kanabisit do të sillte mbi 12 milionë euro fitim. Në zonën e plantacionit u gjetën dy shqiptarët që kujdeseshin për hashashin, ndërsa pak më vonë u arrestua edhe pronari i pronës.
