Libani: Të paktën 182 të vrarë dhe 727 të plagosur në sulmet e fundit izraelite
Nga OraNews Përditësimi i fundit 23 Shtator 2024, 19:24
Të paktën 182 persona janë vrarë dhe më shumë se 727 të tjerë janë plagosur – përfshirë gra dhe fëmijë – në sulmet ajrore izraelite në Libanin jugor, tha sot Ministria e Shëndetësisë libaneze.
Qendra e Operacioneve Emergjente të Shëndetit Publik të ministrisë lëshoi një deklaratë duke thënë se bastisjet e zgjatura të izraelitëve në qytetet dhe fshatrat e Libanit jugor kishin çuar në atë që e përshkroi si “një numër fillestar”, që do të thotë se shifrat pritej të rriteshin.
“Mes të vdekurve dhe të plagosurve ka fëmijë, gra dhe ndihmës mjekë”, thuhet në deklaratë.
Ushtria izraelite tha sot se kishte sulmuar më shumë se 300 objektiva të lidhur me milicinë e Hezbollahut në Liban.
