Vendimi për Xhaçkën, Hoxha: Puç Kushtetues për të mbrojtur historikun e korrupsionit
Nga Katerina Hysenllari Përditësimi i fundit 13 Shtator 2024, 15:24
Analisti Poli Hoxha në një intervistë në Ora News u shpreh se mosdërgimi i çështjes së mandatit të Xhaçkës në gjykatë Kushtetuese dhe mosrespektimi i vendimit të gjykatës Kushtetuese është një puç kushtetues për të mbrojtur historikun e korrupsionit.
Hoxha: Ajo që ndodhi mbrëmë në errësirë në momentin kur mediat gati nuk ishin rreth orës 01:00 të natës pra dhe kur shqiptarët flinin dhe në mënyrë të papritur sepse në komision ishte thënë ndryshe për mendimin tim ndryshon komplet historinë e Shqipërisë.
Ashtu siç thoshte dhe larg e larg në mënyrë diplomatike BE-ja, delegacioni i BE-së, kjo unë e them me fjalë të tjera përkthimin e atyre fjalëve dmth është një puç ndaj Republikës, një puç Kushtetues.
E gjitha kjo bëhet jo vetëm për të mbrojtur një individ po për të mbrojtur për mendimin tim gjithë historikun e korrupsionit dhe çfarë ka në organet e tjera siç është SPAK dhe GJKKO. Por për mendimin tim ka kaluar vijën e kuqe.
Ky është një rast ku vërtetë dhe pa thonjëza mund ti vihet flaka parlamentit sepse ka rrëzuar ashtu siç e thotë edhe BE ka rrëzuar institucionet kontrolluese.
