Elbasan/ Makina përplas biçikletën, një i plagosur
Nga OraNews Përditësimi i fundit 5 Shtator 2024, 20:06
Një automjet është përplasur me një biçikletë në afërsi të fshatit Katund i Ri, në Njësinë Administrative Bradashesh në Elbasan.
Drejtuesi i biçikletës ka mbetur i plagosur. Automjeti dyshohet se e ka goditur me forcë nga pas biçikletën dhe drejtuesi i saj ka rënë mbi asfalt, duke pësuar dëmtime.
Drejtuesi i biçikletës është shtrirë në rrugë. Nuk janë të qarta rrethanat dhe shkaqet e këtij aksidenti, ndërsa i plagosuri është dërguar në spital.
