MJEKËSIA, TESTIMI I FUNDIT/ Në 27 gusht, afati i fundit i shpalljes së fituesit. 2043 maturantë në garë për 400 kuota
Nga Sonila Musai Përditësimi i fundit 23 Gusht 2024, 14:31
Kjo e premte ishte dita e fundit të testimit të maturantëve për të ndjekur degën e mjekësisë së përgjithshme. 2043 kanë konkurruar për 400 kuota, fituesi i të cilave do të shpallen brenda së martës
Lot gëzimi e përqafime…
Këto janë disa nga emocionet e maturantëve të cilët morën rezultat të lartë në testin e mjekësisë që do të shërbejë për llogaritjen e pikëve për renditjen finale.
Shpresojnë se me këtë rezultat do të realizojnë ëndrrën për të nisur rrugën drejt veshjes së bluzës së bardhë.
Ka nga ata që nuk i morën të gjitha pikët në test por shpresat i kanë për degë të tjera.
Kjo e premte është dita e fundit e provimit, ndërsa deri në datë 27 do të duhet të shpallen fituesit e 400 kuotave.
Sipas rregullores së miratuar nga Ministria e Arsimit në datën 30 gusht do të nisë faza e parë e regjistrimit të maturantëve që kanë fituar degë.
