VIDEO/ Gruaja filmon momentet para se i fejuari të mbytej! I propozoi për martesë nën ujë, por nuk arriti të dilte në sipërfaqe

Nga OraNews Përditësimi i fundit 20 Gusht 2024, 14:34

Një incident tronditës ka ndodhur në vitin 2019, ku një grua pa vetëdije ka kapur momentet e fundit të të fejuarit të saj para se të mbytej teksa po tentonte një propozim unik për martesë.

Çifti amerikan, Steven Weber dhe Kenesha Antoine, po qëndronin në Manta Resort në Tanzani. Videoja e këtij incidenti rrëqethës u shfaq së fundmi në rrjetet sociale, duke kujtuar edhe një herë historinë tragjike dhe emocionale të një propozimi që përfundoi në tragjedi.

Në natën e tretë të qëndrimit të tyre, Weber vendosi të surprizonte Antoine me një propozim të paharrueshëm martese . I pajisur me një maskë zhytjeje, ai notoi deri te dritarja e xhamit në fund të dhomës së saj nënujore, ku Antoine po regjistronte momentin. Ëeber mbante në dorë një letër ku i kërkonte asaj të martohej me të.

“Nuk mund ta mbaj frymën aq gjatë sa të të tregoj se sa shumë dua. Por… gjithçka që dua tek ty, e dua çdo ditë më shumë!” . Më pas ai e ktheu letrën nga ana tjetër për të zbuluar pyetjen shumë të rëndësishme: “A do të martohesh me mua?” Pasi i tregoi gruas unazën e fejesës, burri filloi të dilte në sipërfaqe.

Fatkeqësisht, burri nuk doli i gjallë. Antoine më vonë konfirmoi vdekjen e tij të parakohshme në një postim prekës në Facebook.