I moshuari qëlloi me armë nga ballkoni dhe u mbyll në shtëpi/ RENEA zbarkon në Korçë, aksion për arrestimin e 71-vjeçarit
Nga OraNews Përditësimi i fundit 16 Korrik 2024, 12:39
Një aksioni për arrestimin e 71-vjeçarit në Korçë, i cili terrorizoi banorët e një lagjeje, duke qëlluar me armë zjarri nga ballkoni i banesës po zhvillohet nga policia dhe Renea.
Në vendin e ngjarjes, përveç forcave Shqiponja, kanë mbërritur dhe RENEA, ndërsa zona e lagjes 15 është ‘blinduar’.
Edmond Naska, i cili jeton i vetëm, qëlloi 3 herë nga ballkoni i banesës së tij me armë zjarri, ndërsa refuzon që të dorëzohet në polici.
Njoftimi i policisë:
Sot, rreth orës 10:20, në lagjen nr. 16, dyshohet se shtetasi E. N., 71 vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati).
Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.
Nga të shtënat nuk ka asnjë shtetas të lënduar.
Në drejtim të vendit të ngjarjes po shkojnë shërbimet e Repartit Special RENEA, për të ndërhyrë për neutralizimin e shtetasit E. N., i cili ka mbyllur derën e banesës.
Ndërkohë, shërbimet e Policisë, me masa sigurie për jetën e tyre, po mbajnë të rrethuar banesën.
Aktualisht nuk ka asnjë rrezik për jetën e banorëve.
