“Lamtumirë Euro 2024”, polakët të parët që eliminohen
Nga OraNews Përditësimi i fundit 22 Qershor 2024, 13:12
Polonia është Kombëtarja e parë që eliminohet nga Euro 2024.
Skuadra që ishte në grup me Shqipërinë në kualifikueset e Gjermani 2024, e mbylli shpejt aventurën e saj në Europian.
Ndonëse ende nuk e ka luajtur ndeshjen e tretë të grupit D, por humbja me Austrinë dhe barazimi në Francë-Holandë rezultuan “fatalë” për skuadrën e drejtuar nga Michal Probierz.
Polakët sfidojnë Francën të martën e 25 qershorit në “Signal Iduna Park” të Dormtundit, dhe më pas do të rikthehen menjëherë në shtëpi.
Shumë zhgënjim për Poloninë, që u penalizua edhe nga dëmtimi i kapitenit Robert Lewandowski.
Goleadori i skuadrës nuk luajti në takimin përballë Holandës, i humbur 2-1.
Ndërsa ndaj Austrisë Lewa luajti pak më shumëse gjysmë ore, por pa mundur të linte shenjë.
Me shumë gjasa ky mund të mund të jetë Europiani i fundit për 35-vjeçarin e Barcelonës.
