Ambasadori i BE-së në Shqipëri, Gonzato: Mbështesim plotësisht institucionet e reja të drejtësisë
Nga OraNews Përditësimi i fundit 22 Prill 2024, 16:52
Ambasadori i Bashkimit Europian në Tiranë është shprehur se mbështesin plotësisht institucionet e reja të drejtësisë.
Gjatë një takimi për projektin e BE-së për Drejtësinë, Silvio Gonazto është shprehur se puna e këtyre institucioneve është çelësi për çrrënjosjen e korrupsionit nga Shqipëria.
“Ne mbështesim plotësisht institucionet e reja të drejtësisë dhe reformën në drejtësi të vitit 2016, e cila u mundësoi atyre të japin drejtësi për qytetarët.
Puna e tyre është çelësi për çrrënjosjen e korrupsionit nga Shqipëria.
Në takimin e projektit BE për Drejtësinë, theksova se integrimi në BE varet shumë nga kontributi i tyre.
Drejtësia e dhënë në kohë, në mënyrë efektive dhe transparente ëshë çelësi për rikthimin e besimit të qytetarëve tek institucionet.
Bashkimi Evropian do të qëndrojë në krah të Shqipërisë në arritjen e këtij objektivi”, është shprehur Gonzato.
